АКО ОДИТЕ ВО КОСОВО, ПОНЕСЕТЕ СИ ЕВРА Српските динари нема да се користат
„Замена на валута во Република Косово може да се врши само преку институции кои се лиценцирани од Централната банка на Косово и ја нудат оваа услуга“, се вели во соопштението од банката.
Од 1 февруари единствена валута за плаќање во готовина и за платежни трансакции во Косово е еврото.
Уредбата на Централната банка на Косово е донесена во согласност со Уставот на Косово и законот на Централната банка на Косово и дека ЦБК е единствената „монетарна власт која може да одлучува за дозволените апоени на евро валутата за промет на територијата на Косово“, пренесува РСЕ.
Досега српските заедници во Косово користеа и динар (РСД), официјалната валута на Србија. Платите на вработените во српските институции се исплаќаат во динари, како и пензиите во српскиот систем, детскиот додаток или социјалната помош, а во општините со српско населениее динарите се користат во трговските објекти, а цените се во динари.
„Замена на валута во Република Косово може да се врши само преку институции кои се лиценцирани од Централната банка на Косово и ја нудат оваа услуга“, се вели во соопштението од банката.
Во уредбата на Централната банка на Косово се наведува дека увозот и извозот на банкноти и монети евро, како и други валути, во Косово ќе бидат ексклузивно право на Централната банка на Косово.