Ако мора тест за во странство, за еден час ќе стаса резултатот

Имаме капацитет за тестирања кај оние граѓани штошто ќе сакаат да патуваат во странство, доколку се донесе одлука тестот да биде неопходен – рече денеска министерот за здравство,  Венко Филипче, одговарајќи на новинарско прашање.

– Работиме на еден систем на брзи тестови кои го идентификуваат вирусот, а апарати има во неколку јавни здравствени установи и институции. Резултатот стигнува за еден час. И ако е наша заедничка одлука, тоа ќе може да го спроведеме – додаде Филипче.

Во врска со отварање на градинките, тој кажа дека се работи на протоколот, а процесот ќе се  искоординира со враќањето на родителите на работа.

– Детали разменуваат Комисијата за заразни болести и Министерството за труд и социјална политика. Верувам дека следната недела ќе заврши тестирањето и веднаш потоа, но и во согласност со одлуките да се вратат дел од луѓето на работа за тоа да биде координирано – појасни Филипче.