ЏАФЕРОСКИ ЈА ОБВИНИ ДУИ ЗА БАШИБОЗУК И ЛАГИ На Спасовски не му пречеа критиките за коалициските парнери
На граѓаните на Општина Долнени им е доста од нивните лаги, манипулации и негрижа, рече Џафероски.
Аднан Џафероски, кандидат на СДСМ за градоначалник на Долнени ги обвини ДУИ, коалицискиот партнер на СДСМ за 4 годишен башибозук во општината, која сега ја раководи градоначалникот Џемил Ќамили од ДУИ.
– Денеска, заедно со потпретседателот на СДСМ и министер за внатрешни работи, Оливер Спасовски, ги посетивме жителите на Црнилиште, Лажани и Дебреште. Времето на башибозукот на актуелната локална самоуправа завршува на 17 октомври. На граѓаните на Општина Долнени им е доста од нивните лаги, манипулации и негрижа. Додека тие 4 години не мрднаа со прст да направат нешто за општината, јас се обврзувам од првиот ден да ги засукам ракавите и со поддршка од централната власт да почнеме чекор по чекор да ги решаваме проблемите на граѓаните. Време е за нови улици, патишта, водоводи, канализации и речни корита. Време е за најдоброто за Долнени – рече Џафероски.