„ЏАФЕРИ СТАНА ПРЕМИЕР ПОРАДИ СЛАБИОТ СДСМ“ Од ВМРО-ДПМНЕ велат дека СДСМ ја дал државата на подарок

Талат Џафери стана премиер поради слабата СДСМ која за да владее на поклон ја даде државата на ДУИ, вели опозициската ВМРО-ДПМНЕ во соопштение до јавноста.

„СДС за да владее на поклон и ја даде државата на ДУИ и во намерата да си ги сочуваат фотелјите плаќаат скапа цена кај нивните газди во ДУИ. Цената ја гледаме и денес изразена во Талат Џафери премиер. Од друга страна нивните надежи се дека ДУИ на СДС ќе и ги собира албанските партии во коалиција, и од Косово ќе се диктира овој процес за СДС да го ублажи својот дебакл. Тоа така не оди. Јасно е што правите“, се вели во написот и се додава:

„Едноставно е, СДС за да владее на поклон ја даде државата на ДУИ, Талат Џафери од ДУИ стана премиер поради слабата СДС. Талат Џафери е човекот кој е препознатлив по кршење на Уставот, законите, Деловникот за работа на Собранието. Талат Џафери е човекот од кој не може да се очекува нешто поинаку од тоа што го правеше до сега, бидејќи во континуитет газеше по правните норми на државата.

Талат Џафери е човек кој доаѓа од партија во која на сите челници устите им се полни со европски вредности, но чии постапки покажуваат само како се кршат истите. Оттука од Талат Џафери единствено може да се очекува и да се мисли дека само може полошо.

Поради ваквите лоши практики и политики на кои сите сведочеа седум години, може да се каже дека подобро и поинаку може да биде само по 8 мај, односно по изборите. На 8 мај граѓаните ќе стават крај на лошите политики кои ги гледаме од СДС и ДУИ. Во Македонија никогаш не било полошо, затоа важно е да ги поразиме!“, стои во соопштението на ВМРО-ДПМНЕ.