Џафери ги пофали европратениците, но им кажа и за разочараноста во ЕУ

Претседателот на Собранието Талат Џафери денеска во Брисел имаше средба со пратениците од Европскиот парламент, Андрас Шидер, Илхан Ќучук и Марион Валсман на која со соговорниците се осврнаа на евроинтеграциите на Македонија, тековните активности во Собранието како и на идните активности поврзани со Жан Моне дијалогот.

Како што соопштија од собраниската прес – служба, Џафери се осврна на одличната организација на Самитот на претседатели на парламенти и можноста лично да се слушне гледиштето на сите засегнати страни за новата методологија на преговори со ЕУ, очекувањата од земјите аспиранти за членство, како и можноста да се остварат билатерални средби меѓу панданите.

– Претседателот Џафери ја искажа личната и колективната разочараност од одложувањето на датумот за почеток на прговори на Република Северна Македонија со Европската унија. Претседателот Џафери ги информираше европратениците за тековниот статус и напредокот кој што е постигна во процесот на усогласување на измените и дополнувањњата на Деловникот на Собранието и очекувањата од усолгасувањето на мислењата на политичките партии на следната рунда на дијалогот – се наведува во соопштението.

Пратениците од Европскиот парламент, пак, се додава, подвлекоа дека и покрај пандемијата комуникацијата меѓу Собранието и пратениците од Европскиот парламент не е прекината; одржана е виртуелна средба со европратениците на која присуствуваа координаторите на политичките партии во Собранието, што е показател дека одлуките кои што се носат преку Жан Моне дијалогот се носат со консензус.

Тројцата пратеници ја изразија безрезервната поддршка и надеж за отворање на преговорите со ЕУ, се наведува во соопштението.