Aдел им помага на принцот Хари и Меган Маркл да се снајдат во Холивуд

Британските медиуми пишуваат дека британската пејачка Адел живее на само пет минути од новиот, холивудски дом, на принцот Хари и Меган Маркл, па пејачката многу им помага да се „снајдат“ во новиот живот откако ја напуштија Бакингемската палата.

Како што се истакнува, пејачката на кралската брачна двојка им препорачала училиште кое би можело да го посетува нивниот едногодишен син Арчи и им открила неколку „дискретни“ локации во соседството, каде што може да поминуваат заедничко време како семејство, без страв дека некој би можел да ги препознае.

Хари и Меган за свој холивудски дом избрале луксузен имот со осум спални соби и 12 бањи во сопственост на филмскиот продуцент и режисер Тајлер Пери, а Адел живее во нивна непосредна близина во вила вредна 9 милиони евра.

Адел првпат официјално се запознала со славниот брачен пар во декември 2018 година за време на посетата на народната кујна за жртвите од пожар во станбениот блок Гренфел Тауер во Лондон.