Ѝ ЈА УКРАЛА ЧАНТАТА ОД АВТОМОБИЛ, ПА ЈА НАПАДНАЛА Полицијата трага по жена осомничена за напад и кражба врз скопјанка
44-годишна жена пријавила дека непозната жена ѝ ја одзела чантата од автомобилот со документи, пари и мобилен телефон, а потоа и физички ја нападнала.
Четириесет и четиригодишна скопјанка пријавила во полиција дека била ограбена и физички нападната на подрачјето на Карпош, откако женско лице ѝ ја одзело чантата од нејзиното возило.
Според информациите од Министерството за внатрешни работи, случајот бил пријавен на 7 јули 2026 година во 08:25 часот во СВР Скопје.
Можеби ќе ве интересира
Како што навела пријавителката, женско лице од нејзиниот автомобил одзело чанта во која имало паричник, лични документи, мобилен телефон, пари и други лични предмети.
Откако ја одзело чантата, осомничената, според пријавата, физички ја нападнала 44-годишната жена.
Од МВР информираат дека се преземаат мерки за пронаоѓање на сторителката и за целосно расчистување на случајот.