ЈА ОТКОРНАЛЕ БИСТАТА НА СТАЛЕ ПОПОВ И НА БРАНКА ПОПОВСКА Од алејата на великаните ја влечеле до оградата на гробиштата
Проценетата вредност на бистата во сопственост на наследничка на починатите изнесува околу 320.000 денари.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за четворица осомничени, кои вчера откронале биста од алејата на заслужни граѓани во градските гробишта Бутел.
Осомничените, на 17 септември, влегле на градските гробишта во Бутел, дошле до алејата на заслужни граѓани и со употреба на физичка сила успеале да ја откорнат и турнат бронзената биста со два човечки лика во седечка положба од платформата на гробот на починатите Стале Попов и Бранка Поповска.
Бистата била зацврстена со анкери, при што тие ја разурнале и оштетиле самата платформа на гробот и го осквернавиле гробното место.
Откако бистата ја собориле на земја, ја влечеле сѐ до жичената ограда каде претходно направиле отвор и преку отворот ја префрлиле бистата и ја натовариле во автомобил, со намера да ја присвојат. Проценетата вредност на бистата во сопственост на наследничка на починатите изнесува околу 320.000 денари.
Јавен обвинител од Основното јавно обвинителство Скопје поведе постапка против четири лица кои се осомничени дека во соизвршителство сториле кривични дела – Тешка кражба од член 236 став 1 точка , како и – Сквернавење гроб согласно член 400 став 1 од Кривичниот законик.
📷 ФАТЕНИ ЖИВИ СО УКРАДЕНАТА БРОНЗЕНА БИСТА ВО ГЕПЕК Ја украле од гробиштата во Бутел