НА СПИСОКОТ НА САД МОЖЕ ДА СЕ НАЈДАТ И СЕГАШНИ ФУНКЦИОНЕРИ Пендаровски не ја исклучува можноста „тефтерот“ да биде ажуриран
Шефот на државата во гостувањето на „Само интервју" на Канал 5, рече дека неодамнешната посета на тричлениот американски тим на земјава била токму заради собирање информации за ажурирање на „црната листа", за која очекува да биде објавена во догледно време.
Не е исклучено на „црната листа” на САД да се најдат имиња и на актуелни функционери, изјави претседателот Стево Пендаровски.
Шефот на државата во гостувањето на „Само интервју” на Канал 5, рече дека неодамнешната посета на тричлениот американски тим на земјава била токму заради собирање информации за ажурирање на „црната листа”, за која очекува да биде објавена во догледно време.
Коментирајќи ги забелешките на американсата амбасадорка Анџела Агелер за изборот на Ислам Абази за јавен обвинител за гонење организиран криминал и корупција, Пендаровски истакна дека критиките се реакција на генерално лошите состојби во судството. За него, изборот на Абази не е спорен. Вели дека бил избран на демократски начин со непосоредно изјасување на обвинителите. Потврда за тоа, според него, е и тоа што противканидатите на Абази кои загубиле, не се пожалиле на постапката и за нелегитимност.
Можеби ќе ве интересира
За состојбата во правосудниот систем, шефот на државата рече дека ќе се подобри само кога „политичарите и бизнисмените ќе се откажат од судството”.
Во врска со идејата за генерален избор на судиите, Пендаровски кажа дека за тоа немало „пас” од Брисел уште во 2017 година, имајќи ги предвид лошите ефекти од ветингот во Албанија.