🎥 ДРАМАТИЧНО, КАМЕРИТЕ ГО ФАТИЈА МОМЕНТОТ КОГА ДВА АВИОНИ СЕ СУДРИЈА ВО ВОЗДУХ! Загинаа 4 пилоти во филипинска воена база

Два авиона на филипинските воздухопловни сили се судрија за време на тренажен лет и се урнаа во воена воздухопловна база јужно од Манила. Во несреќата загинаа сите четворица пилоти, соопштија филипинските власти.

Двата авиона „СФ-260“ се судриле во петокот попладне, 23 октомври, додека летале на мала височина, по што се урнале во воздухопловната база „Фернандо“, во градот Липа, во покраината Батангас, јужно од главниот град Манила. Несреќата се случила околу 15:51 часот по локално време, а двата авиона паднале во рамките на воениот комплекс.

Според информациите објавени од филипинските медиуми, во несреќата нема други повредени лица. Едниот авион се урнал во близина на сместувачките објекти за воениот персонал во базата. Воените власти не ги објавија имињата на загинатите пилоти, наведувајќи дека се во контакт со нивните семејства и барајќи да се почитува нивната приватност.

По несреќата, филипинските воздухопловни сили привремено ги приземјиле сите преостанати авиони од типот „СФ-260“, како безбедносна мерка додека трае истрагата. Во соопштението на военото воздухопловство се наведува дека се преземени итни мерки за обезбедување на местото на несреќата и процена на состојбата. Засега не е утврдена официјалната причина за судирот.

Авионот „СФ-260“, произведен во Италија, е едномоторен авион што се користи за основна обука на воени пилоти. Неговата улога е да им овозможи на пилотите да ги совладаат основните вештини за летање пред да преминат на посложени воени летала. Приземјувањето на целата флота може привремено да влијае врз програмите за обука на филипинските воздухопловни сили.

Ова не е прва смртоносна несреќа со авион од истиот тип во земјата годинава. Во мај 2026 година, двајца воени пилоти загинаа при пад на авион „СФ-260“ за време на тренажен лет во покраината Бенгет, во северниот дел на Филипините. И во тој случај беше спроведена истрага, но засега нема информации што би укажале дека двете несреќи се поврзани.

Изворите наведуваат дека истрагата за најновиот инцидент треба да ги утврди околностите под кои дошло до судирот. Воените власти сè уште немаат објавено конечни наоди за причината за несреќата.

🇵🇭 Four Philippine Air Force pilots were killed in a collision of two SF-260 training aircraft

The planes collided in mid-air and crashed within the perimeter of Fernando Air Base in Lipa, south of Manila.

All four pilots on board both aircraft died. https://t.co/1WX1rNtcY1

— Visegrád 24 (@visegrad24) October 24, 2026