РАМА ПОСТАВИ СТОЛИЦИ ЗА ДИЈАЛОГ ПРЕД ВЛАДАТА, ПРОТЕСТАНТИТЕ ГИ ИСКРШИЈА Бараат оставка и ослободување на притворените студенти
Премиерот на Албанија, Еди Рама претходно порача дека е подготвен да разговара во секое време и без услови, но демонстрантите велат дека поради насилството на полицијата врз учесниците и недовербата во институциите, таквата понуда не е доволна.
Премиерот на Албанија денеска постави столчиња со натпис „дијалог“ пред владата и Тирана и ги покани демонстрантите на разговор, а тие одбија.
Демонстрантите ги фрлаа столиците кон скалите пред владината зграда и порачаа дека нема да прифатат никакви разговори без оставка на премиерот. На ѕидовите залепија фотографии од полициските интервенции на протестите.
#IGR: Protesters in Albania’s capital, Tirana, smashed chairs set up by Prime Minister Edi Rama on October 20 as a symbolic invitation for dialogue. https://t.co/SEiGlDgmDv
— India Global Review (@IGR_Media) October 20, 2026
На протестот што го почнаа студентите пред една недела, се приклучија и наставници, универзитетски професори и академски работници, кои маршираа во знак на поддршка.
„Без оставка нема да запреме“, скандираа демонстрантите, барајќи ослободување на студентите кои беа приведени во изминатите денови.
🚨Another morning in Tirana starting with the terror of the police forces, who decided to attack two middle school girls with pepper spray, unprovoked!!!🚨 https://t.co/VKGnImarr7
— Shefqet Fejzo🇦🇱 (@ShefqetFejzo11) October 20, 2026
Инцидентот со столчињата е нов показател за продлабочениот јаз меѓу владата и протестното движење, кое во изминатите денови прерасна во поширок антивладин бунт.
Премиерот Рама претходно порача дека е подготвен да разговара во секое време и без услови, но демонстрантите велат дека поради насилството на полицијата врз учесниците и недовербата во институциите, таквата понуда не е доволна.
Протестите во Албанија во последните денови се интензивираа, а незадоволството на младите се прошири надвор од првичните барања за подобри услови на универзитетите, пониски трошоци за образование и поголема финансиска поддршка за студентите. Демонстрантите бараат оставка од Рама и формирање техничка влада, обвинувајќи ја власта за корупција, игнорирање на граѓанските барања и полициска бруталност. Владата, пак, ги осудува нападите врз институциите и за насилството на улиците.
Премиерот Рама одби да се повлече од функцијата.