🎥 ТРАМП ГО ОДЛИКУВА МАСК СО МЕДАЛ ЗА НАУКА И ГО НАРЕЧЕ „МОДЕРЕН ЕДИСОН“ Директорот на СпејсИкс ги поместил границите на истражување на вселената
Во соопштението на Белата куќа се вели дека Маск го добил Националниот медал за наука за „инженерски достигнувања со исклучителна амбиција и обем што ги поместиле границите на истражувањето на вселената, интелигентните системи и комуникациите“.
Американскиот претседател Доналд Трамп вчера му го додели престижниот Национален медал за наука на директорот на SpaceX, Илон Маск, на церемонија во Институтот за мир во Вашингтон. Покрај Маск, признание добија и неколку други технолошки лидери: ко-основачот на Google, Сергеј Брин, директорот на Nvidia, Јенсен Хуанг, и шефицата на AMD, Лиза Су.
– Сакам да им се заблагодарам на сите што се тука додека ги славиме возбудливите достигнувања во науката и технологијата во златното доба на Америка – рече Трамп во воведниот говор.
Потоа се осврна конкретно на Маск, кого го нарече индустриски титан и „модерен Томас Едисон“.
Trump is doing tricks on that thing: “Elon is our modern day Thomas Edison” https://t.co/hB27r1N078
— Aaron Rupar (@atrupar) October 8, 2026
-Малкумина Американци во историјата направиле повеќе за националните интереси на Америка од Илон, и тоа во различни области. Неговиот гениј и решителност ја претворија научната фантастика во реалност. Елон, честитки. Ние сме пријатели, но ти си навистина посебен човек – рече Трамп.
Elon Musk received the National Medal of Science from Trump, the top U.S. honor for scientific and technological achievement.
https://t.co/WXzptOuscN
— Open Source Intel (@Osint613) October 8, 2026
Во соопштението на Белата куќа се вели дека Маск го добил Националниот медал за наука за „инженерски достигнувања со исклучителна амбиција и обем што ги поместиле границите на истражувањето на вселената, интелигентните системи и комуникациите“.
Во образложението се додава дека „со тоа е обновено американското технолошко водство и е отворено ново поглавје во американското производство“.
И покрај пофалбите на церемонијата, Трамп и Маск имаа многу нестабилен однос во последните години. Маск му се придружи на Трамп во подоцнежните фази од неговата претседателска кампања, а по враќањето на Трамп во Белата куќа во јануари 2025 година, тој ја презеде медиумски експонираната улога на де факто шеф на Одделот за ефикасност на владата (DOGE).
На таа позиција, тој ја предводеше иницијативата за значително поекономична изградба на државната администрација. Сепак, нивниот однос се влоши откако Маск го критикуваше предлог-законот за трошење на Трамп, познат како „Еден голем прекрасен закон“. Ова предизвика горчлив и јавен конфликт меѓу двајцата.
Сепак, во последните недели, Маск се врати во најблискиот круг соработници на Трамп. Директорот на Тесла треба да стане ко-водач на проектот Меридијан, кој беше започнат на барање на Министерството за одбрана.
Проектот ќе се занимава со проучување на идното војување. Негова цел е да се идентификуваат оружјата и технологиите што американската војска ќе треба да ги развива и совлада. Проектот, исто така, треба да предложи конкретни решенија за нивен развој, тестирање и примена на терен.