ОД САБОТА СЕ ВКЛУЧУВААТ КАМЕРИТЕ НА „БЕЗБЕДЕН ГРАД“ ВО ВЕЛЕС Полицијата апелира да се почитуваат сообраќајните правила
По извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Велес.
Од сабота (12.09.2026) почнува примената на системот за сообраќаен надзор „Безбеден град“ на подрачје на СВР Велес, соопшти Министерството за внатрешни работи.
По извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Велес.
Можеби ќе ве интересира
„Со активирањето на системот ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата“, велат од МВР.
Министерството за внатрешни работи апелира до сите возачи доследно да ги почитуваат сообраќајните правила и прописи и со одговорно однесување да придонесат за поголема безбедност во сообраќајот.