БЕСПЛАТЕН ПАНОРАМСКИ РАЗГЛЕД НА СКОПЈЕ Граѓаните ќе можат да го запознаат Скопје какво што било пред земјотресот
По повод годишнината од катастрофалниот земјотрес што го погоди Скопје во 1963 година, Град Скопје организира бесплатен панорамски разглед на градот.
Со панорамски автобус и професионален туристички водич од Македонската асоцијација на туристички водичи и придружници, граѓаните ќе имаат можност да го запознаат Скопје какво што било пред земјотресот, да ги откријат приказните за објектите што биле разрушени, како и за местата што го обликувале некогашниот изглед и дух на градот.
Поаѓањето е од Порта „Македонија“ во сабота (25.06) во 10 часот. Заинтересираните граѓани може да се пријавата на телефонскиот број: +389 71 250 419.
Целта на разгледот е потсетување на минатото, чување на меморијата на Скопје и пренесување на приказната на идните генерации.