🎥 ПЕКОЛ ВО ФРАНЦИЈА, ТУРИСТИТЕ БЕГААТ СО БРОДОВИ Гори туристички бисер, се евакуира цел полуостров

Француските власти наредија евакуација на целиот полуостров Кап Ферет (Lège-Cap-Ferret), едно од најпознатите француски одморалишта на југозападниот брег на Франција, поради огромен пожар.

Стотици веќе ја напуштија популарната туристичка дестинација, бегајќи со возила и со бродови.

Претставничката на француските власти во департманот Жиронда, Софи Брокас, рано утрово нареди последна фаза од евакуацијата. На жителите им беше кажано да ја напуштат областа преку главниот пат кон Бордо, а за туристите се обезбедени бродови на четири пристаништа.

4 ans après la destruction à 80 % de la forêt millénaire du Pilat. Force est de constater que nos dirigeants n’ont rien retenu des leçons de l’#incendie. Quelqu’un connait le nom des incompétents à qui on doit présenter l’addition des feux à Lège-Cap-Ferret et à Biscarrosse pic.twitter.com/JMcYN3EjiF

— Dolto (@Fils2Psy) July 24, 2026

По одлуката за евакуација илјадници луѓе се принудени да го напуштат полуостровот, оставајќи ги своите доммови во надеж дека огнот нема да ги зафати.

Пожарот, кој избувна во вторникот во градот Саумос на југозападот од Франција, продолжи да се шири во следните денови, а пламените јазици досега зафатија 8.700 хектари.

🔥 L’incendie de Saumos, en Gironde, reste hors de contrôle et atteint désormais une ampleur exceptionnelle

🌳 10 000 hectares ont déjà été parcourus par les flammes

🏘️ L’ensemble de la presqu’île du Cap Ferret est désormais placé sous ordre d’évacuation. Certaines évacuations… pic.twitter.com/Kxpory3yWH

— Association Prévention & Signalement Feux De Forêt (@asso_psfdf) July 24, 2026

Двајца пожарникари загинаа во вторникот гасејќи пожар во близина на аеродромот во Бордо, а официјалните лица утрово објавија дека нема нови повредени.

Alors qu’elle se trouvait à Lège-Cap-Ferret pour assurer un duplex dans le 19.45 sur les incendies, notre journaliste Pauline Ben Sassi a assisté à l’explosion d’une bonbonne de gaz. Un sapeur-pompier a été blessé.

🎥 Florian Gourdin pic.twitter.com/hX2byKk8AC

— M6 Info (@m6info) July 24, 2026

Францускиот претседател Емануел Макрон синоќа изјави дека ситуацијата со пожарите во земјата е „многу напната“, конкретно споменувајќи го регионот Жиронда. Макрон рече и дека побарал помош од Европската Унија, додавајќи дека наскоро ќе пристигнат авиони од Хрватска, Португалија, Чешка и од Словачка, за да ѝ помогнат на земјата.

Три последователни топлотни бранови ја засилија сушата низ Европа ова лето, ги намалија резервите на вода и ја исушија вегетацијата, што им помогна на шумските пожари да уништат повеќе почва оваа година од годишниот просек во последните две децении, пишува Ројтерс.

L’incendie qui touche le Cap-Ferret vu du ciel pic.twitter.com/W6CthZUfDL

— BFM (@BFMTV) July 24, 2026

Илјадници смртни случаи се припишуваат на топлината.

Франција е особено тешко погодена, а интензивната топлина го зголемува притисокот врз обидите да се справи со ситуацијата.

– Нашите безбедносни сили се во вистинска борба против шумските пожари – изјави министерот за внатрешни работи Лоран Нуњез во четврток вечерта.

‼️ [ 🇫🇷 FRANCE ]

🔸Le violent incendie qui frappe la Gironde a désormais parcouru 2000 hectares. Le feu, qui sévit près du bassin d’Arcachon, mobilise 500 pompiers et la situation reste « défavorable », selon la préfecture. Au moins 12 000 personnes ont été évacuées au total.… https://t.co/IlGNZGtWPq pic.twitter.com/rTNCXs5TeO

— Little Think Tank (@L_ThinkTank) July 23, 2026

Притисокот врз противпожарните служби во југозападна Франција беше зголемен со втор пожар што избувна во четврток попладне во близина на Бискароса, 40 километри јужно од Кап Ферет.

– Овој пожар, кој сè уште не е под контрола, уништи 2.500 хектари. Ветровите дуваат, а ситуацијата е сè уште многу динамична и неповолна – изјави Жил Клаврел, префект на департманот Ландес.

Над 23.000 луѓе се евакуирани од округот Бискароса, претежно во кампови и куќи, а беше евакуиран и еден дом за стари лица. Клаврел ги замоли земјоделците да помогнат со резервоарите за вода.

Исклучително сериозна е и ситуацијата со пожарите во Шпанија. Владата на Шпанија прогласи вонредна состојба доцна во четврток откако серија пожари се заканија на областа околу Мадрид и соседната покраина Авила. Евакуирани се повеќе од 10.000 луѓе додека пожарникарите се борат со пожарот.

🔥 SPAIN | Massive wildfire continues in Burgohondo, Ávila. Firefighters and emergency teams remain on the ground working to contain the blaze and protect nearby homes.

🎥 Local Authorities#Spain #Wildfire #Fire #Ávila pic.twitter.com/tRljN5ruOj

— contentkikamii (@contentkikamii) July 24, 2026

Шпанското министерство за внатрешни работи соопшти дека одлуката е донесена поради истовременото избувнување на неколку пожари, неповолните временски услови и потребата од мобилизирање повеќе ресурси од различни јавни администрации, што ја зголемува сложеноста на напорите на пожарникарите и на цивилната заштита.

Експертите велат дека имало голем раст на вегетацијата по невообичаено обилните дождови напролет и дека вегетацијата сега се исушила поради екстремната летна жештина, што го поттикнува брзото ширење на пожарите.

Регионалните власти во Мадрид апелираа за помош, опишувајќи ја ситуацијата како „исклучително сериозна“. Властите изјавија дека активните пожари во градовите Вила дел Прадо, Сан Мартин де Валдеиглесијас и Алморокс во соседната покраина Кастиља-Ла Манча имаат потенцијал да се прошират надвор од сегашниот капацитет за гаснење пожари.

Тие, исто така, предупредија дека пожарот во Бургохонд во покраината Авила би можел да стигне до регионот на Мадрид во наредните часови поради временските услови.

Spain has declared a national emergency in Madrid and another region as a major wildfire spreads out of control.

Thousands face evacuation as flames tear through the area near the capital. Firefighters are battling one of the most aggressive blazes of the season with limited…

— Mario Nawfal (@MarioNawfal) July 23, 2026

Според законот за цивилна заштита на Шпанија, вонредната состојба е под директна надлежност на министерот за внатрешни работи, кој е одговорен за координирање на одговорот. Властите соопштија дека ова е прво такво прогласување вонредна состојба поврзана со пожари.

Над 100.000 хектари земја се изгорени во Шпанија оваа година, што приближно одговара на годишниот просек на изгорената површина во изминатата деценија. Тринаесет лица загинаа, што ја прави 2026 година една од најсмртоносните сезони на пожари во последните децении.