🎥 БРИТАНСКИТЕ ВОЈНИЦИ ЌЕ ИЗВИДУВААТ СО ЛЕТЕЧКО ТАКСИ „Вертикл Аероспејс“ ја подготвува воената верзија на своето летечко такси

Британската компанија Вертикл Аероспекс (Vertical Aerospace) денеска објави дека е во преговори со владата во Лондон за развој на воена верзија на своето електрично летачко такси, а истовремено планира да лансира комерцијални летови во 2029 година.

Оваа иницијатива претставува потенцијална пресвртница во модернизацијата на вооружените сили и воведувањето на еколошки одржливи технологии во одбранбениот сектор.

Британската армија веќе се интересирала за овој проект.

Проектот беше презентиран на авио-саемот во Фарнборо, каде што компанијата претстави прототип на авион способен за вертикално полетување и слетување (eVTOL), објавува Guardian.

Компанијата доби дополнителни 10 милиони фунти (11,8 милиони евра) владина поддршка за развој, со што вкупната помош од британската влада достигна 48 милиони фунти (56,5 милиони евра). Во меѓувреме компанијата  разгледува локации за производствени погони во Велика Британија, што би можело да создаде повеќе од 1.000 нови работни места.

Според најавите компанијата планира да се сертифицирана за комерцијална употреба до 2028 година, а првите испораки и почетокот на работата се очекуваат една година подоцна. Првично, би произведувала околу 150 авиони годишно, со план за зголемување на капацитетот на околу 1.000 авиони годишно до крајот на деценијата.

За разлика од комерцијалната верзија, која користи само електричен погон и е наменета за превоз на патници на кратки растојанија, воената варијанта треба да биде опремена со хибриден погон со гасна турбина.

Дометот на леталото со тоа би се зголемил на околу 1.600 километри, што би овозможило негова употреба за транспорт на луѓе и опрема, логистички мисии и други воени задачи.

Интересот на британската војска одразува поширок тренд во индустријата за електрични летачки такси.

Поради високите трошоци за развој, сè повеќе производители на eVTOL бараат нови извори на приход преку соработка со војската и државните институции.

Ваквите летала можат да се користат за логистика, итен медицински транспорт, извидување и други специјализирани задачи, со што се зголемуваат шансите на компаниите да го финансираат развојот на технологијата до нејзиниот поширок влез на пазарот.