ИЗГОРЕА ДВА АВТОМОБИЛA ВО СКОПЈЕ Сопствениците на возилата се Гевгеличани со исти иницијали

Два автомобила целосно изгореа утринава во скопската населба Карпош во два одделни инциденти,  а од пожарот е оштетен и семафор, информираат од Министерството за внатрешни работи.

Полицијата не ги посочува причините за пожарот но интересно е што има две коинциденции поврзани со опожарените возила. Имено и двата автомобили се со гевгелиски регистарски таблички, а сопствениците  имаат исти иницијали.

За среќа нема повредени во пожарите.

Инцидентите се пријавени во 5 часот утрово во СВР Скопје.

„Пријавено Е дека на улица Орце Николов и на улица Никола Тесла во Скопје биле опожарени две возила: патничко возило „ауди” со гевгелиски регистарски ознаки, сопственост на К.К.(58) и патничко возило „пежо 307″ со гевгелиски регистарски ознаки, сопственост на К.К.(25). Повредени лица нема, а од пожарот бил оштетен семафор на улицата Орце Николов.