МЕТА ОТПУШТА 8.000 ВРАБОТЕНИ Ќе инвестира во вештачката интелигенција
Мета објави дека ќе им понуди на отпуштените вработени во САД отпремнина еднаква на 16 недели основна плата, со дополнителни две недели за секоја година стаж. И пакетите за вработените во други земји ќе бидат слични.
Компанијата Мета објави дека планира да отпушти околу 10% од својата работна сила или речиси 8.000 луѓе и затвора околу 6000 работни места за да ослободи пари за нови инвестиции.
Отказите стапуваат на сила на 20 мај.
– Покрај отпуштањата, компанијата ќе елиминира околу 6.000 моментално отворени работни места. Го правиме ова како дел од нашите постојани напори за поефикасно водење на компанијата и за ослободување средства за други инвестиции што ги правиме – изјави Жанел Гејл, директорка за човечки ресурси на Мета.
Мета објави дека ќе им понуди на отпуштените вработени во САД отпремнина еднаква на 16 недели основна плата, со дополнителни две недели за секоја година стаж. И пакетите за вработените во други земји ќе бидат слични.
Мета, како и другите технолошки гиганти, инвестира многу во вештачка интелигенција. Компанијата потроши 72,2 милијарди долари за капитални расходи во 2025 година, што вклучува трошоци за центри за податоци и друга инфраструктура за вештачка интелигенција.
Годинава се очекува таа сума да порасне на најмалку 115 милијарди долари во 2026 година.
Компанијата, исто така, инвестираше многу во привлекување таленти за својата лабораторија за суперинтелигенција и купи популарни стартапи за вештачка интелигенција како Moltbook и Manus за подобро да се натпреварува со компании како OpenAI.
Како и многу големи технолошки компании, „Мета“ веќе отпушти десетици илјади работници во 2022 и 2023 година. Овие намалувања главно се припишуваат на оптимизацијата на бизнисот по наглото зголемување на вработеноста и користењето на услугите за време на пандемијата на ковид.