НЕ ПРЕСТАНУВААТ ИЗРАEЛСКИТЕ НАПАДИ ВРЗ ЛИБАН Ќе заседава Советот за безбедност на ООН
Израелската војска уби речиси 500 луѓе во нападите, вклучувајќи повеќе од 80 деца, според либанското Министерство за здравство.
Советот за безбедност на Обединетите нации денеска ќе одржи итен состанок за борбите во Либан, на кој ќе се гласа за нацрт-резолуцијата презентирана од Бахреин во име на членовите на Советот за соработка во Заливот.
Нацрт-резолуцијата повикува на итен прекин на иранските напади врз земјите од Заливот и другите соседни земји, како и прекин на употребата на посреднички групи.
Инаку, израелски ракети денеска изутрина погодија станбена зграда во центарот на Бејрут, што е втор напад врз градот во последните денови, објавија либанските медиуми,.
Израелската војска сè уште не даде коментар и нема извештаи за жртви.
Во нападот во Бејрут во неделата загинаа петмина припадници на Иранската исламска револуционерна гарда.
Либан е вовлечен подлабоко во регионалниот конфликт откако Хезболах, поддржан од Иран, отвори оган врз Израел, велејќи дека тоа е одмазда за атентатот врз врховниот лидер на Иран.
Израел оттогаш изврши воздушни напади низ јужен и источен Либан и во јужните предградија на Бејрут.
Израелската војска уби речиси 500 луѓе во нападите, вклучувајќи повеќе од 80 деца, според либанското Министерство за здравство.
Според официјалните бројки од Бејрут, ескалацијата на насилството досега протера речиси 760.000 луѓе од своите домови.