ДОСЕГА 10 БРОДОВИ СЕ НАПАДНАТИ ВО ОРМУТСКИОТ ТЕСНЕЦ Загинале 7 членови на нивните екипажи
По едно лице е убиено во секој од трите напади врз бродовите Skylight, MKD Vyom и Stena Imperative на 2 март, кога беше погоден и Hercules Star. Помеѓу 3 и 5 март беа погодени уште четири брода: Libra Trader, Gold Oak, Safeen Prestige и Sonangol Namibe, а на 1 март 4лица загинаа кога беше погоден Mussafah 23 “, се наведува во извештајот на Меѓународната поморска организација.
Од почетокот на американско-израелската војна со Иран, 10 бродови биле нападнати во или во близина на Ормутскиот теснец откако Иран го блокираше стратешкиот воден пат како одмазда за американско-израелските напади, објави групата за анализа на податоци.
Британската агенција за поморска безбедност (UKMTO) издаде околу 10 предупредувања за напади, како и предупредувања за сомнителна активност, но објави малку детали за вклучените бродови.
Меѓународната поморска организација (IMO) на својата веб-страница во петокот наведе вкупно 9 напади врз бродови во теснецот во првата недела, вклучувајќи четири инциденти во кои загинаа вкупно 7 лица.
„По едно лице е убиено во секој од трите напади врз бродовите Skylight, MKD Vyom и Stena Imperative на 2 март, кога беше погоден и Hercules Star. Помеѓу 3 и 5 март беа погодени уште четири брода: Libra Trader, Gold Oak, Safeen Prestige и Sonangol Namibe, а на 1 март 4лица загинаа кога беше погоден Mussafah 23 “, се наведува во извештајот.
Индонезија вчера објави дека брод чии карактеристики и последна позната позиција се совпаѓаат со оние на Mussafah 2 потонал два дена претходно, но со различен број на жртви.
Џакарта пријави тројца исчезнати индонезиски членови на екипажот, еден повреден, но преживеан индонезиски член на екипажот и 4 преживеани од други националности.
Теснецот нормално пренесува 20% од глобалната нафта и течен природен гас, но сообраќајот на танкери се намали за 90% за една недела, според аналитичката фирма Kpler, која управува со платформата MarineTraffic.