РАКЕТИРАН БРИТАНСКИ БРОД ВО ОРМУТСКИОТ ТЕСНЕЦ Екипажот го напуштил бродот
Нападот доаѓа откако претставници на Иранската револуционерна гарда (ИРГК) се заканија во последните денови дека ќе нападнат бродови што ќе се обидат да поминат низ Ормутскиот теснец.
Контејнерски брод беше погоден од ракета во Ормутскиот теснец северно од Оман, објави британската агенција UK Maritime Trade Operations (UKMTO), која ја следи безбедноста на комерцијалниот превоз.
Според Sky News, станува збор за британски брод на кој по ударот на ракетата настанал пожар во машинската просторија.
Агенцијата во посебно соопштение изјави дека екипажот го напуштил бродот, дека сите членови на екипажот се спасени и дека никој не е повреден. UKMTO објави дека засега нема извештаи за еколошките последици од нападот.
Додаде дека властите го истражуваат инцидентот.
Нападот доаѓа откако претставници на Иранската револуционерна гарда (ИРГК) се заканија во последните денови дека ќе нападнат бродови што ќе се обидат да поминат низ Ормутскиот теснец.
UKMTO WARNING INCIDENT 012-026 UPDATE 001
Click here to view the full warning ⤵️https://t.co/CAdc06AsEX#MaritimeSecurity #MarSec pic.twitter.com/mvsB7fMWR1
— UKMTO Operations Centre (@UK_MTO) March 4, 2026
Висок функционер на ИРГК претходно изјави дека теснецот е затворен и се закани дека иранските сили ќе „запалат бродови“ што ќе се обидат да поминат низ клучниот морски премин. Овие закани следеа по нападите на САД и Израел врз цели во Иран и иранската одмазда во регионот.
Ормутскиот теснец е еден од најважните поморски коридори во светот. Околу една петтина од глобалната потрошувачка на нафта поминува низ тој тесен морски премин помеѓу Иран и Оман, според податоците од американската Администрација за енергетски информации.