АМЕРИКАНСКА ПОДМОРНИЦА ПОТОПИ ИРАНСКИ ВОЕН БРОД ВО ИНДИСКИОТ ОКЕАН Над 100 морнари се исчезнати, Шри Ланка спасила 78

Најмалку 101 лице е исчезнато, а 78 се повредени по нападот од подморница врз иранскиот воен брод „Ирис Дена“ покрај брегот на Шри Ланка, изјавиле за Ројтерс извори од морнарицата и од Министерството за одбрана на Шри Ланка.

Според најновите информации фрегатата потонала.

Министерството за надворешни работи на Шри Ланка претходно соопшти дека војската спасила 30 лица од ирански брод што тоне.

– Морнарицата на Шри Ланка испрати спасувачка мисија по повик за помош од иранскиот брод – изјави претходно портпаролот на Министерството за одбрана.

Министерот за надворешни работи Виџита Херат не даде дополнителни детали, но рече дека Шри Ланка ќе преземе соодветни мерки.

Локалните медиуми јавија дека бродот пријавил опасност покрај брегот на Гале во јужниот дел од земјата и дека повредените биле примени во болница во Гале.

Бродот најверојатно е погоден со торпедо испалено од американска подморница.

At least 101 people missing after submarine attack on Iranian ship off Sri Lanka.

At least 101 people are missing and 78 injured following a reported submarine attack on the Iranian frigate IRIS Dena off Sri Lanka’s coast, according to Reuters citing naval and defence sources.… pic.twitter.com/JliKH8TUTX

— Sri Lanka Tweet 🇱🇰 (@SriLankaTweet) March 4, 2026