📽️ 📷 ПЛАЧ ВО СТУДИОТО, ВРЕСОЦИ ПО УЛИЦИТЕ ЗА ХАМНЕИ Моментот кога Иран објави дека лидерот на државата е мртов

Иран ја потврди смртта на врховниот лидер Али Хамнеи, кој, според официјалните информации, бил убиен рано наутро во саботата во неговата канцеларија во Техеран, додека ги извршувал службените должности.

Веста прва ја објави државната агенција Фарс, повикувајќи се на официјални извори. Според нив, нападот бил изведен врз комплексот на врховниот лидер во центарот на Техеран.

Сателитски снимки направени од Ербас покажуваат густ црн чад што се издига над комплексот, при што, како што се наведува, неколку објекти биле сериозно оштетени.

 

यह तस्वीर अपने आप मे बताती है की वहां के लोग खामेनेई को कितना पसंद करते थे..

खामेनेई की मौत के बाद वहां के लोग अमेरिका के विरोध में सड़क पर उतर गए हैं..#Khamenei #Iran pic.twitter.com/il3wdfzemJ

— AMETHI LIVE (@AmethiliveCom) March 1, 2026

Комплексот каде што се наоѓа резиденцијата на врховниот лидер претставува клучен центар за носење одлуки во Исламската Република и едно од најчуваните седишта на теократското раководство.

Водителот плачеше додека ја читаше веста

Драматични сцени беа емитувани на државната телевизија, каде водителот со солзи во очите ја соопшти веста за смртта на Хамнеи. Според иранските медиуми, по објавата низ улиците се слушале врисоци и плач.

 

An Iranian news anchor broke down in tears on live television while reading the news of Ali Khamenei’s death. pic.twitter.com/5v7WpTBYr4

— Visegrád 24 (@visegrad24) March 1, 2026

Прогласена 40-дневна жалост

Иранската влада прогласи 40-дневна национална жалост. Во соопштението, пренесено од агенцијата Тасним, Хамнеи е опишан како „мачeник во американско-израелските терористички напади“.

Во текстот се нагласува дека тој повеќе од 37 години го водел Иран и „го носел знамето на Исламскиот фронт со храброст и вера“.

 

#Kashmir #Khamenei #Khamenei #Iran
Did you cry so much on the death of Hussain or today?pic.twitter.com/WunjnnQLXM

— ठा. चन्द्रभान सिंह जादौन (@Chanchalsi52955) March 1, 2026

Ракетен одговор на Техеран

Според иранските медиуми, вооружените сили на Иран возвратиле со масовни ракетни и дронски напади кон цели во Израел и кон американски бази поврзани со Соединетите Американски Држави во регионот на Блискиот Исток.

Ситуацијата во регионот останува исклучително напната, а меѓународната заедница внимателно го следи развојот на настаните.

 

🇮🇷—-BREAKING—-🇮🇷

Statement from the Iranian Ministry of Defense:

“The perpetrators of the assassination of the Supreme Leader will be severely avenged.”

Photos below show scenes of mourning after the martyred Ayatollah Khamenei was murdered by the hostile US leadership… pic.twitter.com/fnTlhs2qYt

— 🇷🇺 Vanguard-Veritas🇨🇦 (@RussCan91) March 1, 2026

Трамп и Нетанјху ја потврдија смртта на Хамнеи

Американскиот претседател Доналд Трамп напиша во објава на својата платформа „Трут сошал“ претходно истиот ден дека 86-годишниот Хамнеи е убиен во заедничките американско-израелски напади, кои започнаа рано во саботата.

„Тој не можеше да ги избегне нашите разузнавачки и високо софистицирани системи за следење и, тесно соработувајќи со Израел, немаше ништо што тој, или другите лидери што беа убиени заедно со него, можеа да направат. Ова е најголемата шанса иранскиот народ да ја врати својата земја. Се надеваме дека ИРГК [Исламската револуционерна гарда] и полицијата мирно ќе се спојат со иранските патриоти“, напиша Трамп.

Израелскиот премиер Бенјамин Нетанјаху претходно тврдеше дека има „сè поголеми знаци“ дека Хамнеи е убиен.

Дополнително, новинската агенција Ројтерс, повикувајќи се на неименуван висок израелски функционер, објави дека телото на Хамнеи е пронајдено.

 

Large crowd of people in Isfahan hit streets to mourn Leader of Islamic Revolution martyrdom pic.twitter.com/wpofOyCJgu

— Press TV 🔻 (@PressTV) March 1, 2026

Хамнеи е врховен лидер на Иран од 1989 година, наследувајќи го основачот на постшахскиот Иран, ајатолахот Рухолах Хомеини, кој ја водеше револуцијата во Иран во 1979 година.