ЗОШТО ВРХУШКАТА НА СДСМ СЕ РАСПРАШУВАШЕ ШТО КАЖАЛ ГРУБИ ВО ОБВИНИТЕЛСТВОТО? Наскоро ќе му прават друштво во судските клупи
СДСМ се вистински во паника затоа што нивниот криминоген другар Артан Груби може да проговори за сите ортачки криминали на владите на Зоран и Вице, на Венко и Ковачевски, за бизнисите на Зечевиќ, се вели во реакцијата на ВМРО-ДПМНЕ.
Одлуката за домашен притвор е на Oбвинителството, истото она со 2 отсто доверба и за кое СДСМ се бореше да биде несменето до последниот здив, се вели во реакцијата на ВМРО-ДПМНЕ на соопштението на СДСМ во врска со одлуката Артан Груби да оди во куќен, наместо во затворску притовр.
„Сите забелешки може да ги испратат до таа адреса, и до омилените обвинители на Венко. СДСМ треба да се договори со себе бидејќи се исклучително недоследни. Изутрина тврдат дека ДУИ одработува за ВМРО-ДПМНЕ, а сега дека е обратно. А всушност СДСМ се вистински во паника затоа што нивниот криминоген другар Артан Груби може да проговори за сите ортачки криминали на владите на Зоран и Вице, на Венко и Ковачевски, за бизнисите на Зечевиќ“, се вели во реакцијата на ВМРО-ДПМНЕ.
Зошто, се додава, врхушката на СДСМ денес заседаваше и вртеше телефони интересирајќи се за исказот на Артан Груби во обвинителство.
„Ова е и причината зошто СДСМ во случајот со Груби се однесува по логиката иста на онаа: лопов вели држете го лоповот. Црната кутија за криминалите на СДСМ и ДУИ падна. Прашање на време е кога „исплашените“ од СДСМ ќе му прават друштво на Артан Груби на судските клупи“, соопшти ВМРО-ДПМНЕ.
СДСМ соопшто дека куќниот притвор за Груби е потврда дека сè е договорено меѓу ВМРО-ДПМНЕ и ДУИ и дека судството и обвинителството се ставени под директна контрола на Мицкоски.