НАСКОРО ОД СКОПЈЕ ЌЕ СЕ ЛЕТА ЗА РИЈАД Започна постапката за воспоставување воздушен сообраќај со Саудиска Арабија
Од Министерството за транспорт очекувааат воспоставувањето редовни авиолинии меѓу двете земји да придонесе за зголемување на економската соработка, туризмот, трговската размена и севкупните билатерални односи.
Се создава правна рамка за воспоставување авиосообраќај од македонските аеродроми до аеродромите во Саудиска Арабија, информира Министерството за транспорт.
Според Министерството, веќе е започна постапката за склучување на Спогодба за воздушен сообраќај со Кралството на Саудиска Арбија. Досега меѓу двете држави, не е одржуван воздушен сообраќај
-Целта на Спогодбата е воспоставување на правна рамка што ќе овозможи отворање на редовни авиолинии меѓу Македонија и Саудиска Арабија. Со неа се создаваат либерални и фер услови за работа на авиопревозниците, преку поттикнување на конкуренција, пониски цени за патниците, како и можност за воведување нови и поквалитетни услуги. Истовремено, Спогодбата гарантира највисоко ниво на безбедност и сигурност во воздушниот сообраќај во согласност со меѓународните стандарди – велат од Министерството за транспорт.
Од Министерството за транспорт очекувааат воспоставувањето редовни авиолинии меѓу двете земји да придонесе за зголемување на економската соработка, туризмот, трговската размена и севкупните билатерални односи.
-Министерството за транспорт во следниот период ќе ги преземе сите неопходни активности за започнување на официјалните процедури за регулирање на воздушниот сообраќај, согласно националните прописи и меѓународните стандарди во областа на цивилното воздухопловство – наведуваат од Министерството за транспорт.