📽️ ПАНИКА ВО СУМАТРА Се разбуди еден од најопасните вулкани
Густ облак од вулканска пепел се издигна високо над кратерот на Гунунг Марапи, а властите ја следат состојбата по новата силна ерупција.
Вулканот Гунунг Марапи на островот Суматра повторно еруптираше, исфрлајќи густ облак од вулканска пепел високо над кратерот. Силната ерупција се случи денес, 18 февруари 2026 година, а пепелта се прошири и во неколку населени места во провинцијата Западна Суматра.
Според локалните власти, засега нема пријави за повредени лица, но службите за итни случаи и вулканолошките институти внимателно ја следат состојбата и го проценуваат степенот на опасност.
Гунунг Марапи важи за еден од најактивните вулкани во Индонезија, држава која се наоѓа на Пацифичкиот „Огнен појас“ – регион познат по чести земјотреси и вулкански ерупции. Поради зголемената активност, можно е во наредните часови да бидат издадени дополнителни предупредувања за населението во околните области.
Надлежните апелираат граѓаните да ги почитуваат безбедносните препораки и да избегнуваат движење во близина на кратерот.
View this post on Instagram