🎥 ЧЕБРЕН-ГАЛИШТЕ И БОШКОВ МОСТ ПРИВЛЕКОА ГОЛЕМО ВНИМАНИЕ КАЈ ИНВЕСТИТОРИТЕ Мицкоски имал уште еден успешен ден во Давос

Имавме уште еден успешен ден во Давос, одржавме многу билатерални средби со мултинационални компании, кои што навистина многу значат во делот на бизнисот во светот, изјави вечерва македонскиот премиер Христијан Мицкоски.

Денешната панел дискусија, на која учестувал Мицскоски, била фокусирана на вештачката интелигенција и нејзиното влијание врз идните трендови во стопанството.

– Имавме повторно успешен панел, повторно разговоаравме за двете теми кои се и клучни теми на овогодинешниот Самит во Давос, а тоа се вештачката интелигенција и сето она кое што ја придвижува таа интелигенција. Се разбира, дата-центрите, дата на податоци и она кое што ги движи дата-центрите, тоа е електричната енергија.

Разговаравме со луѓето кои што нешто значат во светот на вештачката интелигенција, фирми кои што се водечки во делот на стопанисување и управување со дата-центри, но и за предизвиците што значи и за колку треба да биде зголемено производството на електричната енергија во годините кои што следат. Од наша страна, се разбира, повторно зборував за проекти кои што за нас се значајни, проекти кои што опфаќаат производство на електрична енергија, подобрување на преносните капацитети на интерконекторите кои што пренесуваат електрична енергија и гас и сето она што претставува предизвик за нас како Влада. Денес за првпат на панелот ги презентирав за нас клучните проекти, а тоа се Бошков Мост и Чебрен и Галиште. Убеден сум дека истите привлекоа големо внимание кај голем број инвеститори – рече премиерот Мицкоски.

Мицкоски рече дека имал ден исполнет со билатерални средби со политичари и потенцијални инвеститори.

– Денот го започнавме со билатерална средба со Борјана Кришто, којашто е претседавач на Советот на министри на Босна и Херцеговина, а потоа го продолживме со многу билатерални средби со мултинационални компании коишто навистина значат многу во делот на бизнисот во светот – изјави Мицкоски.