СЕ РАСЧИСТУВА ДЕПОНИЈАТА КАЈ „БОРИС ТРАЈКОВСКИ“ Општина Карпош ќе постави рампа за да спречи таа да воскресне

Општина Карпош вчера почна да ја расчистува мини депонијата која се наоѓа во близина на спортскиот центар „Борис Трајковски“.

„Оваа мини депонија одреден период несовесно се полни со шут и со друг отпад и имаше тенденција да прерасне во сериозен извор на загадување, па оттука Општината интервенираше и спроведува акција за нејзино расчистување, како и поставување заштитна рампа која би спречила повторно депонирање на отпад“, соопшти Општината.

Инспекторатот од Општина Карпош будно ќе следи и превенира случаи на несовесно фрлање на отпад и ќе казнува согласно своите надлежности и законски прописи на целата територија на Општина Карпош.