📽️ 📷 РОНАЛДО И ЏОРЏИНА ВО ОВАЛНАТА СОБА Трамп му даде „клуч од Белата куќа“, го прошета низ дворот и го угости на вечера
Роналдо и Џорџина на престижна вечера во Белата куќа, по ексклузивната средба и прошетка со претседателот Трамп.
Вашингтон синоќа беше центар на светските медиуми, откако Кристијано Роналдо и неговата партнерка Џорџина Родригез пристигнаа во Белата куќа, каде лично ги пречека американскиот претседател Доналд Трамп. Двајцата најпрочуени гости беа дел од официјалната програма пред свечената вечера во чест на саудискиот престолонаследник Мохамед бин Салман.
Роналдо и Џорџина најпрво присуствуваа на приватна средба во Овалната соба, каде Трамп им посака добредојде и, според видеата кои кружат на социјалните мрежи, му врачи симболичен „клуч од Белата куќа“ на португалската ѕвезда. Потоа тројцата заедно прошетаа низ дворот на резиденцијата — момент кој веднаш стана вирален.
View this post on Instagram
На официјалниот профил на Белата куќа беше објавено видео од прошетката, придружено со описот „Двајцата GOATs“, алудирајќи на најголемиот фудбалер и највлијателниот политичар.
Роналдо, почестен од вниманието што го доби, објави повеќе фотографии и порака благодарност:
„Ви благодарам, господине претседателе, за поканата и топлото добредојде што вие и Првата дама ни го упативте мене и на Џорџина. Подготвен сум да бидам дел од секоја иницијатива што инспирира храброст, одговорност и траен мир“, напиша тој.
View this post on Instagram
Фудбалската легенда и неговата свршеница вечерта беа и официјални гости на големата вечерна церемонија организирана за принцот бин Салман, каде присуствуваа светски лидери, бизнисмени и познати личности.
За време на говорот, Трамп со насмевка откри дека неговиот син Барон е огромен фан на Роналдо:
– Мојот син конечно ме почитува малку повеќе, само затоа што го запознав со Роналдо – рече претседателот, предизвикувајќи смеа во салата.
Роналдо и Џорџина не го пропуштија ни делот за дружење со гостите — токму тогаш настапи моментот што повторно ја раздвижи јавноста: селфи во кое, покрај нив двајцата, се најдоа Елон Маск, Џани Инфантино и уште неколку познати светски имиња.
Great night! pic.twitter.com/XfdC9bJqP4
— David Sacks (@DavidSacks) November 19, 2025
Настанот во Белата куќа уште долго ќе се прераскажува и како политичка, и како спортска, и како медиумска сензација.