ЗДРАВЈЕТО МУ Е ДОБРО, АМА МОЗОКОТ МУ ОТКАЖУВА Брус Вилис кој страда од деменција е преместен во друга куќа со обучен персонал 24/7
Брус би го сакал тоа за нашите ќерки. Тој би сакал тие да бидат во дом кој е повеќе прилагоден на нивните потреби, а не на неговите, рекла сопругата на актерот објаснувајќи ја одлуката да го преселат славниот актер во посебна куќа. На 9 септември таа ќе ја промовира својата книга насловена „Неочекувано патување: Наоѓање сила, надеж и себеси на патот на грижата“, за која вели дека може да послужи како патоказ за сите кои се грижат за лица погодени од деменција.
Ема Хеминг Вилис проговори за состојбата на нејзиниот сопруг, славниот актер Брус Вилис на кого му беше дијагностицирана фронтотемпорална деменција пред повеќе од три години, велејќи дека „мозокот го напушта“ и дека полека го губи говорот.
– Брус го губи говорот и учиме како да се прилагодиме. Имаме начин на комуникација со него, што е еден поинаков начин, рекла таа.
Сега, 47-годишната Ема морала да ја донесе најтешката одлука и по влошѓувањето на состојбата на славниот актер да го пресели во посебна куќа.Таа вели дека овој избор го направила не само поради сопругот, туку и поради нивните две деца – Мејбл, 13, и Евелин, 11.
– Брус би го сакал тоа за нашите ќерки. Тој би сакал тие да бидат во дом кој е повеќе прилагоден на нивните потреби, а не на неговите, рекла таа.
Секако, таа сè уште ги носи своите деца во домот на Вилис, кој е блиску до нивната куќа, особено за појадок и вечера. Актерот од „Умри машки“ сега живее со тим старатели со полно работно време во неговиот нов еднокатен дом.
– Брус и натаму е многу подвижен. Севкупно, неговото здравје е добро, но мозокот го изневерува, рекла Хеминг Вилис, гостувајќи во емисијата „Добро утро Америка“ на „Еј-Би-Си њуз“.
Во меѓувреме, Ема напишала книга за искуствата на нејзиното семејство со деменција, која наскоро ќе излезе.
Фронтотемпоралната деменција се опишува како невообичаен вид деменција што предизвикува проблеми со однесувањето и говорот.
– Семејството сè уште гледа блесоци од неговата вистинска личност. Не денови, но добиваме моменти. Понекогаш ќе го видам сјајот во неговите очи или таа насмевка и едноставно се транспортирам. Тешко е бидејќи колку брзо се појавуваат тие моменти, толку брзо и исчезнуваат. Но, јас сум благодарна што мојот сопруг е сè уште тука, рекла Хеминг Вилис.
Брус Вилис се повлече од глумата во март 2022 година по дијагнозата за афазија, која ја објави поранешната сопруга Деми Мур, со која има три деца: Румер (37), Скаут (34) и Талула (31).
Речиси една година подоцна, на Вилис му беше дијагностицирана фронтотемпорална деменција (FTD) во февруари 2023 година, што е агресивна форма на болеста што често се среќава кај помладите луѓе, а најчесто се дијагностицира кај луѓе на возраст од 50 до 60 години, според Здружението за Алцхајмерова болест.
Симптомите вклучуваат проблеми со говорот и промени во личноста, како што е недостаток на емпатија.
– Одеднаш, лицето со кое живеете нема емпатија или грижа за вас или вашето семејство, рече д-р Брус Милер, професор. по неврологија на UCSF и водечки експерт за состојбата, во интервју за ABC News.
Друг вообичаен симптом се проблемите со мобилноста, за кои Ема појасни дека Вилис ги нема.
– Брус е сè уште многу подвижен. Брус е во навистина одлично здравје генерално, само неговиот мозок го изневерува, рекла таа.