СПРЕЧЕН НОВ АТЕНТАТ ВРЗ ЗЕЛЕНСКИ Пензионер од Полска требало да го убие претседател по налог од Русија
Како што соопшти генерал-потполковник Васил Малјук, директор на украинската Служба за безбедност (СБУ), планот бил спречен благодарение на заедничка акција на СБУ и полската безбедносна агенција „ABW“. Деталите биле споделени на затворен брифинг за домашните медиуми.
Украинскиот претседател Володимир Зеленски повторно бил цел на неуспешен обид за атентат, но овој пат сценариото вклучувало поранешен воен пензионер од Полска, кој со децении останал лојален на советската идеологија и кој бил регрутиран уште во времето на СССР, објави шефот на украинската безбедносна служба.
Како што соопшти генерал-потполковник Васил Малјук, директор на украинската Служба за безбедност (СБУ), планот бил спречен благодарение на заедничка акција на СБУ и полската безбедносна агенција „ABW“. Деталите биле споделени на затворен брифинг за домашните медиуми.
Според Малјук, осомничениот требало да го ликвидира Зеленски на аеродромот Жешов-Јашонка во Полска – најверојатно со дрон опремен со камера или со снајперска пушка. Целата операција, која според СБУ е дело на Русија, била навреме разоткриена и осуетена.
Веста ја пренесоа повеќе меѓународни медиуми, вклучително и „TSN“, РБЦ и „Newsweek“. Се посочува дека осомничениот полски пензионер долги години го негува симпатиите кон советската идеологија и останал лојален на неа и по нејзиниот пад.
Ова е уште еден во низа обиди за ликвидација на украинскиот претседател од почетокот на руската инвазија во февруари 2022 година.