ЗЕЛЕНСКИ ЧЕТИРИПАТИ НАПИША „БЛАГОДАРАМ“ ПО КАВГАТА СО ТРАМП Стигна првата реакција на украинскиот претседател по неуспешниот состанок

Во своите први коментари по тензичната и нервозна средба со Доналд Трамп, украинскиот претседател Володимир Зеленски му се заблагодари на својот американски колега Доналд Трамп и на Американците, неколку пати. Неговата прва реакција на социјалната мрежа Икс гласи:

„Благодарам Америка, благодарам за вашата поддршка, благодарам на оваа посета. Благодарам на претседателот на САД, Конгресот и на американскиот народ“, напиша Зеленски откако предвреме ја напушти Белата куќа.

Thank you America, thank you for your support, thank you for this visit. Thank you @POTUS, Congress, and the American people.
Ukraine needs just and lasting peace, and we are working exactly for that.

— Volodymyr Zelenskyy / Володимир Зеленський (@ZelenskyyUa) February 28, 2025

„На Украина ѝ треба праведен и траен мир и ние работиме на тоа во моментов“, додаде Зеленски.

На средбата Трамп му рече на Зеленски дека се коцка со Третата светска војна и дека не е благодарен за американската поддршка.

Белата куќа соопшти дека не бил потпишан договорот за користење на украинските ретки минерални богатства предложен од САД.

По средбата Трамп на својата социјална мрежа „Truth Social“ напиша дека „Зеленски може да се врати кога ќе биде подготвен за мир“.