📽 ДРАМА ВО АВИОНОТ СО КОЈ РУБИО ЛЕТАШЕ ЗА МИНХЕН Мораше итно да се врати во Вашингтон
Одложувањето нема да влијае на плановите на државниот секретар да го продолжи своето патување во Германија и на Блискиот Исток, но сè уште не е јасно дали ситуацијата ќе доведе до пропуштање на важни средби во Минхен, вклучително и оние со американскиот потпретседател и со претседателот на Украина.
Авионот кој го превезуваше американскиот државен секретар Марко Рубио на безбедносната конференција во Минхен бил принуден да се врати во Вашингтон поради технички проблеми, пренесе Асошиејтед прес.
Проблемот е откриен час и половина по полетувањето од заедничката база Ендрјус поради дефект на стаклото на пилотската кабина. Авионот се врати на местото на полетување, каде што се во тек плановите да се организира лет кон Минхен со друг авион.
Одложувањето нема да влијае на плановите на државниот секретар да го продолжи своето патување во Германија и на Блискиот Исток, но сè уште не е јасно дали ситуацијата ќе доведе до пропуштање на важни средби во Минхен, вклучително и оние со американскиот потпретседател и со претседателот на Украина.
За потсетување, во Минхен започнува 61. безбедносна конференција на која учествуваат повеќе од 60 светски лидери. Украинската делегација, предводена од претседателот Зеленски, ќе претстави визија за постигнување траен мир. Американскиот потпретседател Џеј Ди Венс планира да се сретне со Зеленски за време на конференцијата во Минхен.