ЌЕ БИДЕ СУПЕР ЗА ПРОШЕТКА, НО СЕПАК ОБЛЕЧЕТЕ СЕ УБАВО Ќе има сонце што се крие зад понекој облак

Утрото денеска ќе биде студено, преку денот сончево со мала до умерена локална облачност, известува Управата за хидрометеоролошки работи (УХМР).

Најниските утрински температури ќе изнесуваат од -1 до -10 степени Целзиусови, а дневните максимални температури ќе изнесуваат од 4 до 10 степени Целзиусови.

Ќе дува слаб до умерен променлив ветар.

Во Скопје наутро ќе биде студено, а преку денот ќе биде сончево со мала до умерена облачност. Ќе дува слаб ветер од југоисточен правец.