📽 ШАКИРА СО СИНОВИТЕ ЈА ПРОСЛАВИ НАГРАДАТА ГРЕМИ Латино ѕвездата ги „запали“ гледачите со стомачниот танц

Албумот на Шакира, „Las Mujeres Ya No Lloran“ беше награден со Греми за најдобар латино поп албум, а по тој повод Шакира ја почести публиката со својот прв настап на наградите по 18 години.

Колумбиската пејачка ги воодушеви своите фанови со стомачниот танц, а потоа го отпеа својот голем хит Shakira: Bzrp Music Sessions Vol. 53, во која таа пееше за изневерувањето на нејзиниот партнер Жерар Пике.

Во својот говор Шакира наградата што ѝ ја врачи Џенифер Лопез им ја посвети на сите имигранти во САД, велејќи: „Секогаш ќе се борам со вас!“ Нејзиниот говор е одговор на заканите на американскиот претседател Доналд Трамп за масовните депортации, поради кои многу имигрантски заедници се плашат. Но, покрај политичката порака, таа испрати и лична порака до нејзините омилени момчиња – синовите Саша (10) и Милан (12), кои ги доби во врската со пензионираниот фудбалер Жерар Пике.

– Сакам да ја споделам оваа награда со моите деца. Многу сум горда на вас, на вашата добрина. Ви благодарам што ме поддржувате – им рече таа на децата, кои ја гледаа како ја добива наградата од публиката.

Watch Shakira’s full performance at the #GRAMMYs – featuring an exclusive medley of Ojos Así & Bzrp Music Sessions! pic.twitter.com/GQ2Hi49BWM

— ShakiraMedia (@ShakiraMedia) February 3, 2025

Пејачката блесна облечена во блескав златен комплет од два дела, со златни налепници на стомакот.