🎥 ФРОСИНА НЕ СМЕЕ ДА БИДЕ САМО БРОЈКА Гласот на народот одекнува пред Собранието

Толпата граѓани, кои попладнево се собраа во чест на трагично загинатата Фросина Ќулакова, стигна пред Собранието на Република Македонија.

Исполнети со тага и со револт, присутните скандираа „Убијци!“ и „Сакаме правда!“, барајќи одговорност и системски промени за поголема безбедност на улиците.

– Оваа институција треба самата да иницира законски промени, а не да ги чека институциите – порача еден студент.

Присутните граѓани ги повикаа пратениците да најдат решение.

– Но, не само решение, туку и одговорност – порача студентот.

Пред зградата на Парламентот се одржа триминутен молк – симболично се оддаде почит на Фросина, но и на сите останати жртви на сообраќајните несреќи.

Претходно, дел од граѓаните потенцираа дека овој протест не е само за Фросина, туку и за сите пешаци чии животи згаснале на булеварите поради неконтролираната брзина, невниманието и неказнивоста.

Толпата ќе се упати кон Обвинителството.