ГУСТАТА МАГЛА ГО ПАРАЛИЗИРА СКОПСКИОТ АЕРОДРОМ Авиони не можат да слетаат во Скопје, летовите се откажани

Густата магла ги откажа слетувањата на аеродромот во Скопје, а откажани се и дел од денешните летови.

Иако нешто по 16 часот требаше да слетаат три авиони во Скопје, сепак авионите од Анталија, Мемингем и од Баден Баден беа принудени да слетаат на друга локација.

Тој од Мемингем беше пренасочен кон Приштина, а од Баден Баден слета во Софија.

Авионот од Варшава не успеа да слета во Скопје и се врати во Варшава.

Откажани се летовите за Малме и Истанбул.

Видливоста е 200 метри.