НОВИ ПРЕГОВОРИ ЗА ВЛАДА ВО БУГАРИЈА Партиите ќе ги обноват напорите за договор
Во понеделникот претседателот на државата, Румен Радев рече дека ќе им даде уште малку време на преговарачките страни да се разберат пред да врачи мандат за состав на нова влада.
Со назнака „неофицијално“ бугарските медиуми утрово објавија дека одлучено да се обноват преговорите меѓу ГЕРБ, „Демократска Бугарија“, „БСП – Обединета левица“ и „Има таков народ“ за состав на влада на таа држава.
Разговорите ќе се водат до петок и ќе бидат интензивни, јави БНТ.
Информацијата е објавена откако ГЕРБ-СДС на 5 јануари соопшти дека ги завршуваат преговорите за формирање влада.
Од седиштето на партијата испратија порака во која соопштија дека не е постигнат договор со „Демократска Бугарија“ за кадровскиот состав на идната влада и името на кандидатот за премиер.
Од Демократска Бугарија нагласија дека од медиумите дознале за крај на преговорите.
Во понеделникот претседателот на државата, Румен Радев рече дека ќе им даде уште малку време на преговарачките страни да се разберат пред да врачи мандат за состав на нова влада.