УБИЕЦОТ ОД ЦЕТИЊЕ РАФАЛНО ПУКАЛ ВО БРАТ НА ПОЛИЦИСКИ ИНСПЕКТОР Црногорскиот претседател се моли за тешко ранетите и изрази сочуство за убиените

Во масакрот во Цетиње 4 лица се тешко повредени, од кои едно лице е брат на  инспектор во црногорската полиција. Убиецот кон него испукал рафални истрели, информираат црногорските медиуми.

Во масакрот што се случи попладнево, загинаа 7 лица, од кои 2 деца. Според неофицијални информации, повредени се А.М., М.В и Д.К., кој е братот на полицискиот инспектор.

„Пред неколку години Д.К. беше цел на напаѓачи, сега е повреден во ова пукање“, открива извор запознаен со истрагата.

• ГИ УБИЛ ДЕЦАТА НА КАФЕАНЏИЈАТА, УБИЛ И СВОИ РОДНИНИ Полицијата во Цетиње трага по напаѓачот Ацо Мартиновиќ

Директорот на Клиничкиот центар на Црна Гора, Александар Радовиќ вечерва кусо изјави дека се донесени четворица пациенти со тешки повреди, опасни по живот. Станува збор за тројца мажи и за една жена.

– Сите тимови се во операциските сали. Сега работат сите четири оперативни машини. Не би можел да коментирам за исходот од операциите – рече Радовиќ.

• УБИЛ 2 ДЕЦА И 4 МАЖИ, РАНИЛ ТРОЈЦА ВО ЦЕТИЊЕ По тепачка во ресторан извадил оружје и пукал

Од четврток, 2 јануари, во Црна Гора е прогласена тридневна жалост, најави црногорскиот премиер Милојко Спајиќ.

• ВОЈСКАТА Е ВО ГОТОВНОСТ, ПРЕМИЕРОТ БАРА КОНТРОЛА НА ОРУЖЈЕТО Тридневна жалост од утре во Црна Гора, од вечерва се откажуваат планираните концерти

Убиецот е во бегство. Сè уште не се познати мотивите за страшното злосторство.

Вечерва се огласи и црногорскиот претседател Јаков Милатовиќ, кој објави дека е шокиран и потресен.

„Шокиран сум и потресен од оваа трагедија која го поцрни нашето Цетиње, семејствата и пријателите на жртвите, на кои им изразувам искрено сочувство. Се молиме и се надеваме на оздравување на сите ранети. Нашите мисли вечерва се со семејствата кои ги загубија своите најблиски и со граѓаните на Цетиње. Цела Црна Гора ја чувствува и ја споделува вашата болка“, објави претседателот Милатовиќ.

Umjesto praznične radosti, nad našom Prijestonicom i cijelom Crnom Gorom nadvila se tuga zbog gubitka nevinih života.

Zaprepašćen sam i potresen ovom tragedijom koja je zavila u crno naše Cetinje, porodice i prijatelje stradalih kojima izražavam svoje iskreno saučešće.

Molimo…

— Jakov Milatovic 🇲🇪🇪🇺 (@JakovMilatovic) January 1, 2025