📽️ „БИТЛСИ“ ПОВТОРНО ОБЕДИНЕТИ Пол Макартни и Ринго Стар заедно на концерт во Лондон

Пејачот Пол Макартни повторно настапи со поранешниот член на „Битлси“, Ринго Стар, на концерт во лондонската Арена.

Ринго Стар на сцената беше пречекан со овации, а дуото изведе легендарни песни на групата како „Helter Skelter“ и „Sgt Pepper’s Lonely Hearts Club Band“, пренесува Би-би-си.

„Ова беше одлична ноќ и ве сакам сите“, рече Ринго Стар по настапот, излегувајќи од сцената. Тој концерт беше последен како дел од турнејата на Макартни „Got Back“, за време на која 82-годишниот музичар настапи во Франција, Шпанија и Бразил.

Ринго Стар не беше единствениот специјален гостин на концертот.

Гитаристот на „Ролинг стоунс“, Рони Вуд, му се придружи на Макартни во текот на изведбата на „Get Back“.

Мекартни и Стар се последните преживеани членови на оригиналните „Битлси“.

Тие настапуваа заедно неколку пати откако бендот се распадна во 1969 година, вклучително и настапот во 2015 година, како и за време на последната турнеја на Макартни „Freshen Up“ во 2019 година.