📽️ ПАТНИК НАПРАВИЛ ДРАМА НА БРОДОТ „РОЈАЛ КАРИБИ“ Се истражува причината за неговата смрт
Господинот, кој беше пијан, рече дека ќе нè убие сите. Почна да нè брка низ ходникот, изјави патникот Кристифер Михаил и додаде дека се скрил во шкафот за крпи додека напаѓачот повеќепати се обидел да ја искрши вратата со нога.
Патник на крстосувачот „Ројал Кариби“ се заканувал дека ќе ги убие сите патници, дивеел во алкохолизирана состојба, удрил двајца членови на екипажот и, како што тврди неговото семејство, починал откако обезбедувањето му вбризгало тип на седатив. ФБИ уште ја истражува причината за неговата смрт еден час откако бил совладан од обезбедувачите.
Мајкл Вирџил(35) направил инцидент за помалку од еден час од испловувањето на бродот од Сан Педро, јави Фокс11.
– Господинот, кој беше пијан, рече дека ќе нè убие сите. Почна да нè брка низ ходникот – изјави патникот Кристифер Михаил и додаде дека се скрил во шкафот за крпи додека Вирџил повеќепати се обидел да ја искрши вратата со нога.
Снимките покажуваат како патникот кој се заканувал пцуе, удира по вратата и ја соблекува маичката. Набрзо потоа тој бил совладан од обезбедувањето, а час потоа починал.