ЗГРОЗЕНИ СМЕ ШТО ДУИ КРАДЕЛА ПАРИ ОД ИЗГРАДБАТА НА ТЕТОВСКИОТ ТЕАТАР Во џеб си ставиле 13,5 милиони евра наместо да ја развиваат албанската култура
Албанската култура и библиотеките ќе се градат без кражби, ќе се збогатуваат со дела и наслови што ќе ги збогатат умот и културниот живот на нашите граѓани, а крадците на парите имаат две опции - или да избегаат од земјата како што им е обичај или да завршат зад решетки.
Не бевме изненадени, туку бевме згрозени кога дознавме дека претходната власт не се воздржала ниту од крадење во библиотека и театар, рече денеска Луле Ќазими Амети од Коалицијата Вреди.
Таа зборуваше за обвиненијата што вчера ги поднесе ОЈО за гонење на организиран криминал и корупција против едно правно лице и 4 физички лица, за проневера на 13 и пол милиони евра, наменети за изградбата на театарот во Тетово.
– Обвинителството за гонење на организиран криминал подигна обвинение за кражба од 13,5 милиони евра при изградба на театарот и библиотеката во Тетово. Документите се манипулирани, процедурите се прекршени, а службените должности злоупотребени од безмилосните крадци од претходната власт. Таа власт има име – партијата нон грата ДУИ. Ова е уште еден доказ за нивната ненаситност! Казната што ја добија на изборите беше заслужена, а правдата што доаѓа ќе ја направи уште поважна! – рече Амети.
Речиси секој ден сме навикнати да слушаме вести дека државниот буџет е оштетен за толку и толку милиони евра, дека се злоупотребени уште повеќе, и така натаму, додаде таа.
– Тоа беа принципите според кои функционираше претходната власт. Нивниот крај ќе биде уште потажен. Албанската култура и библиотеките ќе се градат без кражби, ќе се збогатуваат со дела и наслови што ќе ги збогатат умот и културниот живот на нашите граѓани. Крадците што ги украдоа парите сега се соочуваат со две опции: или ќе побегнат надвор од земјата како што им е обичај или ќе се соочат со правдата тука и ќе завршат каде што им е местото, зад решетки – рече таа.
Крадците ќе останат без достоинство, а граѓаните ќе бидат победници и ќе си го вратат достоинството што им беше одземено од лошото владеење, додаде Амети.
– Вреди гарантира дека ќе се бориме против криминалот и корупцијата без никакви компромиси – заклучи Амети.