ЕУ МОРА ДА ГИ ЗАСИЛИ ОДНОСИТЕ СО ХАЈАТ ТАХРИР АЛ-ШАМ Унијата е спремна повторно да ја отвори својата амбасада во Дамаск

Европската унија (ЕУ) мора да ги засили односите со исламистичката група Хајат Тахрир ал-Шам (ХТС) која е на власт во Сирија по соборувањето на Башар ал Асад, изјави денеска претседателката на Европската комисија, Урсула фон дер Лајен.

• НЕ САКАМЕ ДА СИ ИМАМЕ ПРОБЛЕМИ СО ИЗРАЕЛ Ал Џолани го предупреди Ерусалим да ги прекине воздушните напади врз Сирија

– Сега мора да го зголемиме интензитетот на нашиот директен ангажман со ХТС и со другите фракции – рече таа по состанокот во Анкара со турскиот претседател, Реџеп Таип Ердоган.

Шефот на европската дипломатија, Каја Калас, претходно од Стразбур посочи дека ЕУ е подготвена повторно да ја отвори својата амбасада во Дамаск, нешто повеќе од една недела по падот на режимот на Башар ал Асад.

Урсула фон дер Лајен рече и дека ЕУ и нејзините сојузници „не можат да дозволат повторно оживување“ на џихадистичката група Исламска држава (ИД) во Сирија, која никогаш не била целосно искоренета.

Ризикот од повторно оживување е реален, рече таа, нагласувајќи дека „единството на сириската нација мора да се почитува и да се заштитат малцинствата“.

Фон дер Лајен нагласи дека ЕУ ќе ослободи дополнителни милијарда евра за финансирање и за помош за бегалците во Турција.

• ЌЕ ОДГОВАРА ЛИ АСАД ЗА СВОИТЕ ЗЛОСТОРСТВА? Сѐ зависи од неколку клучни фактори

– Дополнителни милијарда евра се на пат за 2024 година. Оваа сума ќе се користи конкретно за финансирање на здравствената заштита и на образованието на бегалците во Турција. Тоа ќе придонесе за миграцијата и управувањето со границите, вклучително и за доброволното враќање на сириските бегалци – рече таа.

Претседателката на Европската комисија додаде дека овие пари може да се приспособат на новите потреби, во зависност од развојот на ситуацијата на терен.

СИРИЈА ТРЕБА ДА ОСТАНЕ НЕЧЕПНАТА Ердоган оствари средба со Урсула фон дер Лајен