СИРИЈА ТРЕБА ДА ОСТАНЕ НЕЧЕПНАТА Ердоган оствари средба со Урсула фон дер Лајен

Ердоган изјави дека односите меѓу Турција и Европската Унија и заедничките интереси не треба да бидат заложници на неплодните планови на одделни членки на ЕУ.

490

Турција и Европската Унија се согласуваат за потребата од зачувување на суверенитетот и на територијалниот интегритет на Сирија во ерата по Асад, со посебен фокус на создавање инклузивна влада, изјави денеска турскиот претседател Реџеп Таип Ердоган, пренесува Анадолија.






– Се согласуваме за зачувување на суверенитетот и на територијалниот интегритет на Сирија, особено за воспоставување инклузивно управување – рече Ердоган на заедничката прес-конференција со претседателката на Комисијата на ЕУ, Урсула фон дер Лајен, која е во посета на Анкара.

Ердоган рече и дека односите меѓу Турција и ЕУ и заедничките интереси „не треба да бидат заложници на неплодните планови на одделни членки на ЕУ“.

Тој ја нагласи потребата од посилни и од поинституционализирани односи со ЕУ, додавајќи дека Турција, како земја кандидат, е посветена на оваа цел.

Наведувајќи два долгорочни приоритети за неговата земја, Ердоган, изрази надеж и за одлуките на ЕУ за ажурирање на Царинската унија и за забрзување на визниот процес за турските граѓани додека не се постигне визна либерализација на следниот самит на ЕУ.

Осврнувајќи се на борбата против тероризмот, Ердоган рече дека Турција е единствената земја и единствениот сојузник на НАТО што на терен ги победила терористичките организации ПКК и ИСИС.

ЌЕ ОДГОВАРА ЛИ АСАД ЗА СВОИТЕ ЗЛОСТОРСТВА? Сѐ зависи од неколку клучни фактори

Поврзани содржини