БОЖИКНИТЕ ПОДАРОЦИ ВО БРИТАНСКОТО КРАЛСКО СЕМЕЈСТВО СЕ ШЕГОВИТИ И ЕВТИНИ Што сѐ си подарувале благородниците низ годините?
И принцезата Дијана подарувала непристојни подароци за да го засрами своето семејство, што и била целта за Божик.
Кога треба да му се даде подарок на некого што има сè, луѓето од британското кралско семејство за Божик имаат многу дилеми… Но, одговорот, се чини, лежи во смеата и во шегите.
Имено, еден таков избор е бела кожена тоалетна школка, којашто принцезата Ана, според наводите, му ја подарила на нејзиниот брат, тогаш принц Чарлс. Се забележува и дека нивните божикни подароци секогаш се нискобуџетни.
Дел од традицијата на кралскиот божикен собир во Сандрингам е и да се разменуваат подароци. Така, наводно, и кралот Чарлс не сака скапи подароци, а тоа го потврдува и неговиот батлер, Пол Бурел.
– Би се засрамил ако потрошите цело богатство на него – вели членот на послугата.
И Дијана им оставала непристојни работи за да ги засрами… Понекогаш, тоа е и целта – за тоа служат и „смешните подароци“ коишто честопати си ги подарувале низ годините.
– Вилијам во една прилика доби календар со голи жени и целиот поцрвене. (Шегата) успеа – раскажува батлерот.