ШЕСТ СКИЈАЧИ СЕ ИЗГУБИЈА НА ПОПОВА ШАПКА Вработен на ски-лифтовите ги извлече од густата магла
Сите скијачи се безбедно вратени дома.
Шест скијачи кои со ски-лифт се искачиле на повисоките делови од една од патеките на Попова Шапка синоќа се изгубиле поради густата магла и новиот снег, информира Центарот за управување со кризи (ЦУК).
Како што е соопштено, тие се јавиле на бројот за итни случаи 112 по што вработен на ски-лифтот успеале да ги пронајдат.
Можеби ќе ве интересира
„Скијачите се јавиле за помош на 112. Од ЦУК веднаш биле известени СВР Тетово и раководителот на РЦУК Тетово. Во меѓувреме, лице вработено на ски-лифт пронашло пет (5) од изгубените лица, а подоцна во 16.15 часот го пронашло и шестото изгубено лице. Прво сите биле згрижени во полициската станица на Попова Шапка“, се наведува во соопштението на ЦУК.
Сите скијачи потоа безбедно биле вратени дома.