ПОЛСКА ЌЕ ГИ ГРИЗЕ РУСКИТЕ ТЕНКОВИ СО „ЗМЕЈСКИ ЗАБИ“ Одбранбениот систем ќе биде долг 800 километри

Одбранбениот систем, покрај бетонскиот ѕид „змејски заби“, кој ќе се протега сè до границата со Украина, ќе содржи и системи за извидување и откривање закани, предни бази, логистички центри, магацини и систем за заштита од дронови.

472

На полската граница со руската енклава Калининград, подигнат е ѕид од бетонски „змејски заби“, како дел од одбранбениот систем, долг 800 километри, во кој Полска ќе инвестира најмалку 2,35 милијарди долари.

Одбранбениот систем, покрај бетонскиот ѕид „змејски заби“, кој ќе се протега сè до границата со Украина, ќе содржи и системи за извидување и откривање закани, предни бази, логистички центри, магацини и систем за заштита од дронови.






„Првиот дел од Источниот штит на границата со Русија е готов! За време на средбата со војниците, на 200 метри од границата, се чувствував навистина безбедно“, напиша полскиот премиер Доналд Туск на Икс за време на неговата посета на границата пред неколку дена.

Од почетокот на руската инвазија на Украина, Полска е еден од најгласните поборници за зајакнување на одбраната. Варшава за следната година планира да потроши 4,7% од својот бруто домашен производ (БДП) за одбрана, со што ќе биде една од водечките членки на НАТО во однос на издвојувањата за воени потреби.

📽 ЛИТВАНИЈА ПОСТАВУВА ЗМЕЈСКИ ЗАБИ, ФИНСКА СПРЕМА БУНКЕРИ Европа се вооружува за можна војна со Русија

Поврзани содржини