МАКЕДОНСКОТО ЗНАМЕ Е СИМБОЛ НА ЕДИНСТВОТО И НА ГОРДОСТА НА СИТЕ ГРАЃАНИ Да излеземе од етничките трла еднаш засекогаш, реагира ЛДП

Либерално-демократската партија најостро го осудува секој чин на сквернавење на македонското знаме, симболот на нашиот државен суверенитет, соопшти партијата.

• СКВЕРНАВЕЊЕТО НА МАКЕДОНСКОТО ЗНАМЕ ИМА ПОЛИТИЧКА ПОЗАДИНА Надлежните институции треба да ги казнат оние кои го кршат законот, реагира ВМРО-ДПМНЕ
• ПОЧИТУВАЊЕТО НА СИМБОЛИТЕ И НА ИДЕНТИТЕТОТ НА СЕКОЈА ЗАЕДНИЦА Е ТЕМЕЛ НА НАШЕТО ОПШТЕСТВО Партијата СДСМ го осуди сквернавењето на македонското знаме

„Таквите дејства не само што се навреда кон државата, туку и директно ги поткопуваат основните вредности на соживотот, почитта и на граѓанската одговорност. Македонското знаме е симбол на единството и на гордоста на сите граѓани, без разлика на нивните политички, етнички или верски убедувања. Ги повикуваме надлежните институции да спроведат темелна истрага и да ги санкционираат одговорните за овој непромислен и деструктивен чин. Истовремено, апелираме до сите граѓани да покажат зрелост и почит кон државните симболи, кои се заедничко наследство на сите нас. Сметаме дека еднаш засекогаш треба да излеземе од етничките трла и да бидеме доследни на зачувување на демократските вредности и на интегритетот на државата. Да зборуваме за проекти, реформи и за подобар стандард за граѓаните, а не за национализам и за враќање во минатото“, се наведува во соопштението на ЛДП.

• ЗЛОСТОРСТВО Е ДА ГАЗИШ И ДА КИНЕШ ЗНАМЕ НА ДРЖАВА КОЈА ТЕ ИЗРАСНАЛА Димитриевски строго ги осуди инцидентите на денот на албанското знаме
• ОБВИНИТЕЛСТВОТО ПОСТАПУВА ЗА СКВЕРНАВЕЊЕТО НА МАКЕДОНСКОТО ЗНАМЕ Се бараат предизвикувачите на инцидентите

ЛДП, се вели во соопштението, како и досега, останува доследна во својата посветеност на зачувување на демократските вредности и на интегритетот на државата.

ПОЛИЦИЈАТА БИЛА ВИНОВНА ЗА КИНЕЊЕТО НА МАКЕДОНСКОТО ЗНАМЕ Партијата на Ахмети вели дека полицајците ги провоцирале луѓето што протестирале