ДАНЕЛА НЕ ГИ ФЕРМА ГРАДСКИТЕ СОВЕТНИЦИ Пак не дојде да одговара на советничките прашања
Седницата на Советот на Град Скопје за советнички прашања пропадна, бидејќи градоначалничката Данела Арсовска не беше присутна.
Градоначалничката на Скопје, Данела Арсовска, повторно не се појави на седницата за советнички прашања, поради што таа не се одржа.
– Одлучивме да не учествуваме во седницата додека Арсовска не биде присутна – истакна советничката Љубица Јанчева од СДСМ.
Таа нагласи дека без градоначалничка во салата, не може да се очекува продуктивна дискусија.
Претседателот на Советот, Трајко Славески, објасни дека во текот на подготовката на седницата, како и во минатото, се обратил до градоначалничката со писмено барање за утврдување на датум за седницата, но немало одговор. Тој додаде дека не се исполнети условите за одржување на седницата и предложи советниците да ги упатат своите прашања писмено, доколку немаат можност да добијат усмен одговор од градоначалничката.
По петминутна пауза, почна 53. редовна седница на Советот на Град Скопје.