ОВА Е ПРВ РЕАЛЕН БУЏЕТ Мизрахи вели дека за време на ковид-19 имало и пандемија на корупција
Кога зборуваме за буџет ќе зборуваме за прв реален буџет кој го имаме. Зошто? Заради тоа што зад ковид пандемијата почнала и друга пандемија, а тоа е коруптивна пандемија, рече пратеничката Рашела Мизрахи на денешната собраниска комисиска седница за финансирање и буџет.
„Мој впечаток е дека граѓаните многу малку знаат за ГДП проценти и компарации, меѓутоа многу добро разбираат што е несигурност, небезбедност, непредвидливост, мртов систем, лага или кражба“.
Вака го коментираше предлог-буџетот за 2025 година пратеничката од ВМРО-ДПМНЕ Рашела Мизрахи на денешната собраниска комисиска седница за финансирање и буџет.
Таа продолжи и додаде:
– Кога зборуваме за буџет ќе зборуваме за прв реален буџет кој го имаме. Зошто? Заради тоа што зад ковид пандемијата почнала и друга пандемија, а тоа е коруптивна пандемија- вели Мизрахи.
Таа додаде:
– И Државниот завод за ревизија, но и неформалните средби со директорите од здравствениот систем укажуваат на ваквиот факт. Скриената пандемија граѓаните ја почувствуваа преку пандемијата ковид-19, недостатокот на маски, лекови и модуларните болници.
Мизрахи посочи дека корупцијата е дефинирана како злоупотреба на јавните средства за приватни цели.
– Корупцијата е дефинирана како злоупотреба на јавните ресурси за приватна корист која го задава најголемиот и најтешкиот удар на македонското здравство. Се проценува дека 6% од здравствените распределби се предмет на корупција и тоа е според Транспаренси интернешнал – рече Мизрахи.